У дачыненні да члена Савета Рэспублікі, былога старшыні Гродзенскага абласнога савета дэпутатаў Аркадзя Карпуця КДБ расследуе справу па ч. 1 арт 14 і ч. 3 арт. 209 Крымінальнага кодэкса (замах на махлярства). Гэта стала вядома пасля з'яўлення ў базе даных Нацыянальнага цэнтра прававой інфармацыі пастановы Савета Рэспублікі ад 15 чэрвеня № 283-СР4/IV. У ім даецца згода на распачынанне ў дачыненні да сенатара крымінальнай справы. Тэкст дакумента размешчаны на Нацыянальным прававым інтэрнет-партале.