| Статистика |
 |
|
| Фонд ім. Льва Сапегі |
 |
Главная » 2010 » Март » 22 » АГП спыняе ўдзел у мясцовых выбарах. БНФ заклікае не здымацца
АГП спыняе ўдзел у мясцовых выбарах. БНФ заклікае не здымацца | 10:14 |
 Аб'яднаная грамадзянская партыя спыняе ўдзел у
выбарах у мясцовыя саветы дэпутатаў. Такое рашэнне прынята на чарговым 13-м
з'ездзе АГП 21 сакавіка ў Мінску. За прагаласавалі 66 дэлегатаў, супраць — 37,
устрымаліся — пяць.
Пры гэтым вядучы з'езда Леў Марголін перад
пачаткам галасавання адзначыў, што размова не ідзе аб адкліканні членаў АГП са
складу выбарчых камісій або адкліканні магчымых кандыдатаў у дэпутаты.
Паводле
яго слоў, гэта палітычнае рашэнне партыі, аднак кандыдаты ў дэпутаты самі
павінны будуць прыняць рашэнне, ці павінны яны зняцца з кампаніі, ці не.
Асабліва, адзначыў Марголін, гэта тычыцца тых членаў АГП, якія вылучаліся
шляхам збору подпісаў.
Акрамя таго, у прынятай рэзалюцыі аб спыненні далейшага ўдзелу АГП у мясцовых
выбарах з'езд заклікаў усе палітычныя партыі і грамадскія аб'яднанні падтрымаць
гэтае рашэнне і далучыцца да яго.
Палітсавету АГП даручана данесці да
міжнароднай грамадскасці прынятае рашэнне, растлумачыць парламентарыям Еўропы і
ЗША, перш за ўсё дэпутатам Еўрапарламента і парламенцкіх асамблей АБСЕ і Савета
Еўропы, яго сэнс і значэнне.
Аўтары рэзалюцыі выказалі таксама ўпэўненасць, што "беларускаму народу пры
падтрымцы сусветнай грамадскай думкі ўдасца ў найбліжэйшы час вярнуць краіну на
магістральны шлях дэмакратычнага развіцця".
Партыя БНФ дала партыйным кандыдатам у
дэпутаты магчымасць самастойна прыняць рашэнне аб фармаце ўдзелу ў мясцовых
выбарах
 Адпаведнае рашэнне было прынята 20 сакавіка ў Мінску на
пасяджэнні сойма партыі.
Як растлумачыў адказны сакратар Партыі БНФ
Уладзімір Лабковіч, партыйныя прэтэндэнты на дэпутацкі мандат не вераць у
дэмакратычнасць выбараў, але маюць намер выкарыстаць выбарчую кампанію для
прапаганды дэмакратычных каштоўнасцяў.
"Улады захавалі поўны кантроль над
выбарчымі камісіямі, парушылі прынцып роўнасці і транспарэнтнасці выбарчага
працэсу. Гэта стварае ўмовы для фальсіфікацыі выбараў на этапе галасавання і
падліку галасоў", — сказаў ён.
Лабковіч нагадаў, што ва ўчастковыя выбарчыя
камісіі былі ўключаны толькі 10% ад вылучаных прадстаўнікоў партыі.
Намеснік старшыні Партыі БНФ Рыгор Костусеў
паведаміў, што ўжо пяць прэтэндэнтаў ад партыі адмовіліся ад удзелу ў выбарах у
якасці кандыдатаў. Зараз, паводле яго слоў, удзельнічаць у выбарах працягваюць
75 членаў партыі.
У спецыяльнай заяве сойма Партыі БНФ
адзначаецца, што "выбары дэпутатаў мясцовых саветаў праходзяць у атмасферы
страху і запалохвання". "Ужо зараз можна канстатаваць, што выбары
з'яўляюцца недэмакратычнымі і несвабоднымі", — падкрэсліваецца ў
дакуменце.
Паводле БелаПАН, ucpb.org, pbnf.org
|
|
Просмотров: 974 |
Добавил: sapieha
|
|
|
