Статистика |
|
|
Фонд ім. Льва Сапегі |
|
Главная » 2010 » Февраль » 27 » ЦВК і еўрадэпутаты абмеркавалі выбарчае заканадаўства Беларусі
ЦВК і еўрадэпутаты абмеркавалі выбарчае заканадаўства Беларусі | 16:49 |
26 лютага дэлегацыя
Еўрапарламента, якая знаходзіцца ў Мінску, сустрэлася са старшынёй Цэнтрвыбаркама Лідзіяй
Ярмошынай і сакратаром камісіі Мікалаем Лазавіком.
"Падчас размовы ў асноўным абмяркоўваліся пытанні, звязаныя з прынятымі ў
канцы года папраўкамі ў выбарчае заканадаўства, а таксама што тычыліся практыкі
прымянення заканадаўства ў кампаніі па выбарах у мясцовыя саветы", —
паведаміў БелаПАН
Лазавік.
Паводле яго слоў, дэпутатаў Еўрапарламента цікавілі папраўкі ў заканадаўства, звязаныя з фарміраваннем
выбарчых камісій, умовамі вядзення агітацыйнай кампаніі, вылучэннем кандыдатаў у дэпутаты палітычнымі
партыямі, доступам кандыдатаў да СМІ і іншыя.
"Мы паведамілі, што
пры прыняцці паправак у выбарчае заканадаўства былі ўлічаны прапановы
АБСЕ", — сказаў Лазавік.
Дэпутаты Еўрапарламента, паводле яго слоў, заявілі, што іх задача —
"пагутарыць падчас свайго візіту з прадстаўнікамі дзяржаўных структур
і няўрадавых арганізацый і адчуць, ці ёсць змены ў сацыяльна-палітычным клімаце
Беларусі".
"У цэлым бакі выказалі пажаданні і надзею на тое, што
адносіны Беларусі і Еўрасаюза будуць развівацца", —
заявіў Лазавік.
Дэлегацыя Еўрапарламента прыбыла ў Мінск напярэдадні вечарам і будзе
знаходзіцца ў Беларусі па 27 лютага. Місію ўзначальвае балгарскі дэпутат,
кіраўнік дэлегацыі Еўрапарламента ў Еўранесце Крысціян Вігенін. У склад
дэлегацыі ўвайшлі фінскі дэпутат, кіраўнік падкамітэта па правах чалавека
Хайдзі Хаўтала, польскі дэпутат, кіраўнік дэлегацыі па сувязях з Беларуссю
Яцэк Пратасевіч і дэпутат ад Літвы, дакладчык па Беларусі камітэта знешніх
сувязяў Юстас Палецкіс.
Чакаецца, што даклад місіі, зроблены па выніках візіту ў Беларусь, дапаможа
Еўрапарламенту прыняць рашэнне аб складзе беларускай дэлегацыі
ў парламенцкай асамблеі палітыкі Усходняга партнёрства (Еўранест).
Паколькі ЕС не прызнаў парламенцкія выбары ў Беларусі дэмакратычнымі,
існуе некалькі варыянтаў фарміравання беларускай дэлегацыі, куды могуць увайсці
таксама прадстаўнікі грамадзянскай супольнасці. Канчатковае рашэнне будзе
прынята краінамі Усходняга партнёрства.
Даклад місіі будзе таксама ўлічаны Еўрапарламентам у рэзалюцыі па Беларусі,
якая, як чакаецца, будзе прынята на пленарнай сесіі 8—11 сакавіка
ў Страсбургу.
|
Просмотров: 1001 |
Добавил: sapieha
|
|
|