Статистика |
|
|
Фонд ім. Льва Сапегі |
|
Главная » 2010 » Апрель » 8 » За мясцовымі выбарамі ўпершыню будуць назіраць замежныя дыпламаты
За мясцовымі выбарамі ўпершыню будуць назіраць замежныя дыпламаты | 13:22 |
На сёння ў "генеральным штабе" электаральнай кампаніі —
Цэнтрвыбаркаме — тры дзясяткі заявак ад прадстаўнікоў дыпмісій 18 краін з трох
кантынентаў — Еўропы, Азіі, Паўночнай Амерыкі.
Жаданне назіраць за выбарамі ў
асноўны дзень галасавання праяўляюць дыпламаты з Арменіі, Венгрыі,
Вялікабрытаніі, Казахстана, Канады, Кіргізіі, Латвіі, Літвы, Нідэрландаў,
Палесціны, Польшчы, Расіі, Румыніі, Славакіі, Таджыкістана, Фінляндыі, Францыі,
Чэхіі.
— Аднак час для падачы заявак яшчэ ёсць, мяркую, іх будзе больш, — кажа сакратар
Цэнтральнай камісіі па выбарах і правядзенні рэспубліканскіх рэферэндумаў
Мікалай ЛАЗАВІК.
Паводле яго чаканняў, колькасць заявак падвоіцца. А часу і сапраўды хапае:
акрэдытацыйныя пасведчанні плануецца выдаць дыпламатам да канца другой дэкады
красавіка. Тэрміны абумоўленыя тым, што назіранне кароткатэрміновае — яно
закранае толькі асноўны дзень выбараў, 25 красавіка.
Дагэтуль міжнародныя назіральнікі сачылі толькі за прэзідэнцкімі,
парламенцкімі выбарамі і агульнарэспубліканскімі рэферэндумамі ў Беларусі. Ды
наогул у свеце не практыкуецца запрашэнне міжнародных назіральнікаў на
лакальныя выбары. Таму сам факт іх удзелу ў мясцовай электаральнай кампаніі —
па сутнасці беспрэцэдэнтны.
— Тым самым Беларусь дэманструе сваю гатоўнасць да больш блізкага
ўзаемадзеяння з еўраструктурамі, Еўрасаюзам, АБСЕ, — падкрэслівае Мікалай
Лазавік. — Наданне права дыпламатам здзяйсняць назіранне за выбарамі ў мясцовыя
Саветы дэпутатаў — гэта крок насустрач еўрапейскім дзяржавам, структурам, які
дэманструе нашу адкрытасць, імкненне працаваць ва ўзаемадзеянні. Мы гатовыя
паказаць, што нашы выбары адкрытыя, транспарэнтныя, свабодныя і дэмакратычныя.
Апроч замежнікаў сачыць за мясцовымі выбарамі будуць, натуральна, і
нацыянальныя назіральнікі. Іх ужо акрэдытавана больш за паўтары тысячы. Аднак у
ЦВК чакаюць, што на момант выбараў гэта лічба ўдзесяцярыцца. Назіраць за
выбарамі маюць права прадстаўнікі палітычных партый, працоўных калектываў,
грамадзяне шляхам падачы заяў, давераныя асобы кандыдатаў у дэпутаты.
Звязда
|
Просмотров: 996 |
Добавил: sapieha
|
|
|